Ertzaintza
Estatuaren erreforma politikoa hasita, Euskal Herriko Kontseilu Nagusiak 1978ko urtarrilaren 4tik, bere sorreratik hain zuzen, Euskal Herriko Autonomia Estatutua onartzeko prozesua abian jartzearekin batera, polizia autonomo bat eskatu zuen.
Ordena publikoaren arloan, Autonomia Estatutuko 17. eta 36. artikuluek eta Laugarren Xedapen Iragankorrak (1979) berebiziko garrantzia dute.
Ordena publikoaren arloko eskumenei dagokionez, Estatutuak 1978ko Konstituzioko Lehenengo Xedapen Gehigarriak babestu eta errespetatutako eskubide historikoak euskarri hartzen ditu.
Autonomia Estatutuak bere 17. artikuluaren bostgarren paragrafoan Ertzaintza eratzen du eta, Foru Gorputzen berrezarpenari dagokionez, 1980ko abenduaren 22ko Errege Dekretuarekin bat dator.
1980ko apirilaren 29an Lehenengo Eusko Jaurlaritza eratu zen eta Herrizaingo Sailari Euskal Polizia sortu eta garatzeko lehentasunezko erantzukizun politikoa eman zitzaion.
Ertzaintza egiteko nahitaezko urratsa Euskal Poliziaren Ikastegia sortzea zen. Arkaute du kokaleku eta 1982ko otsailaren 7an Ertzaintzaren Lehenengo Promozioa hartu zuen.
Gaur egun Ertzaintza Autonomia Erkidego osoan dago hedatuta eta 8.000 ertzainek osatzen dute. Era honetan Euskal Autonomia Erkidegoak polizia arloan dituen eskumenak bete egiten dira.
Orriaren edukia
Lehenengo solairua
Unitateak
Ertzaintzaren egiturak honako Burutzekin eta Unitateekin helburuak lortzea ahalbidetuko du:
Brigada Mugikorraren Unitatea
Arrisku larriko egoeretan ordena publikoa prebenitzea, mantentzea eta, hala egokituz gero, berrezartzea; baita istripu, katastrofe edo hondamendi publikoen ondorioz sortutako egoeretan esku-hartzea ere. Bestetik, etengabeko laguntza emango die Ertzaintzaren gainerako unitateei.
Zaintza eta Erreskate Unitatea
Istripu, katastrofe edo hondamendi publikoen ondorioz sortutako egoeretan esku-hartzea eta; horrez gain, Ertzaintzaren beste unitate eta zerbitzu batzuei prebenitu, ikertu eta esku hartzeko lanetan laguntzea. Halaber, larrialdiei aurre egiteko zerbitzuentzako laguntza eginkizunak betetzen dituzte.
Lehergailuak Indargabetzeko Unitatea
Esku hartu behar du substantzia leherkorrak edo lehergailuak edo izaera nuklearra, erradiologikoa, bakteriologikoa edo kimikoa duten tresnak indargabetzeko egoera guztietan.
Esku-hartze Unitatea
Ertzaintzaren beste unitate batzuei segurtasun handiko estaldura ematea dagokio.
Txakur Unitatea
Ertzaintzaren beste unitate batzuei txakurren bidezko laguntza ematea.
Polizia Zientifikoaren Unitatea
Kriminalistikari, identifikaziori, analitikari eta ikerketa teknikoari loturiko zerbitzuak eman eta, horrez gain, organo judizialek eskatutako aditu- eta dokumentazio-txostenak prestatuko ditu.
Joko eta Ikuskizun Unitatea
Bere ardura da ausazko jokoak, ikuskizun publikoak eta jolas-jarduerak kontrolatzea eta ikuskatzea
Herritarren Babeseko Lurralde Zerbitzua
Herritarren babesaren arloko polizia-jarduerak koordinatzeaz arduratuko da, prebentzio aktiboko jardueren sustapena barne sartuta.
Ikerketa Kriminaleko Lurralde Zerbitzua
Bere ikerketak garatzeaz eta ertzain-etxeek egindakoei laguntzeaz arduratuko da.
Lurralde Aginte eta Kontrol Zentroa
Polizia-baliabideak eta -zerbitzuak koordinatzea; kanpoko deiak bideratzea; gorabeherak izapidetzea; taktikak eta protokoloak aplikatzea; jarduerak gainbegiratzea; behar denean, aginte operatiboa hartzea eta egoki diren organoak jakinaren gainean jartzea.
Trafikoko Lurralde Unitatea
Bide-segurtasunaren aurkako delituak jazartzea eta bere jardun-eremuan zirkulazio-istripuen ikerketa eta analisia egitea, baita ertzain-etxeei eta Foralen, Mikeleteen eta Miñoien sekzioei trafikoaren arloan laguntza ematea ere.
Foralen, Mikeleteen eta Miñoien Sekzioak
Berariazko eginkizunak izango dituzte; hala nola, foru-erakundeen erakusgarri izatea, erakunde horietako agintariak babestea eta foru-ondareko ondasunak zaintzea. Halaber, trafikoko lurralde-unitateekin koordinatuta, errepideko garraioa zaindu eta ikuskatzeko eta errepideak kontserbatu eta zaintzeko eginkizunak bete ahalko dituzte.
Museoaren Bilduma
Museoak Euskal Poliziaren historia jasotzen du XVIII. mendetik gaur egun arte.
Erakusketa
Ertzaintzaren ibilgailuak ezagutu
Ertzaintzak historian zehar erabili dituen ibilgailuak ezagutzea proposatzen dizugu. Patruila-autoak, motorrak, ibilgailu bereziak, helikopteroak, uretan esku hartzeko ibilgailuak eta abar ezagutzeko ibilbidea egin dezakezu.
EZAGUTU BILDUMAHARTU PARTE
Baduzu balio historikoa ematen duen testigantzarik, dokumenturik edo argazkirik?
Museo honetan zure parte-hartzea baloratzen dugu, gure eskaintza kulturala aberasteko eta herritarrentzako zerbitzu honen historia era parte-hartzailean idazteko. Hemen azalduko dizugu nola parte har dezakezun.
KOLABORATU MUSEOAREKINETOR ZAITEZ BISITAN
Nahi al duzu taldekako edo bakarkako bisita bat antolatu?
Museoa ireki zenetik, ikastetxeekin, erakundeekin edo talde partikularrekin bisita hitzartuak izan ditugu. Hori dela eta, gurekin harremanetan jartzera animatzen zaituztegu, zuen bisita zehaztu eta planifikatzeko.
Bisitatu nahi dut